الرئيسية
إذا في يـوم نبهـك الضميـر وهاجسـك صحـاك
وحسيـت بألـم فرقـى ولاتقوى طـواريها
إذا في يوم حنيـت لهوى الماضي
ولاخلاك زمان تطوي أيامه
ولاتدري بتاليها تذكر واحد مهموم
من يأسه ومن رجواك
فلا هو يائس ينسـى ولا الرجوى يخليها
********
ياااه..كل هذا الموت فيك وانت حي؟..
ليه ساكت؟ياخي قل لي اي شي..
قبل تتقفل في صوتك كل ابواب الكلام..
وينفتح جرح في قلبك يستفزك للسلام..
السلام اللي يودي ومايجيب..
غير نفس كل مااشرق همها..عيا يغيب!!
********
اخطيت يوم اني طلبتك حنانك لا صرت فاقد شي وشلون تعطيه ..
مهما نطق لي بالمشاعر لسانك شي بدون احساس ماأقتنع فيه ..
احساسك المصنوع خنته وخانك جاملتني به وانت تجهل معانيه
مني نصيحه تنفعك في زمانك إلا شعورك لا تبيعه وتشريه ..
********
كانك تبين الصدق والصدق يرضيك …
لا عمري حبيتك والا لك موده …
وما قد طلبتك حب والله يخليك …
وماقد فتحت الباب حتى اسده …
هذا انا طبعي إن كان يرضيك …
قلب مغرور ما رضخ لأي وحده …
وكانك تبيني صدق فالله يحييك …
انتي مثل ضيفٍ صعيب ارده …
وكوني اكيده لا قفيتي بخليك …
وشهو المفارق غير كفي امــده..
********
هذي خاينها حبيب..
هذي عاشقها هجرها..
هذي ميته في هذاك..
ماحكت له من خجلها..
هذي مسكينه طعنها..
الف طعنه في ظهرها..
قدمت كل غالي..وللأسف..
راح وخذلها..وهذا مجنون بهواها..
بس محتار بأمرها..لو طلبها يرفضونه..
وإن تركها ضاع أملها..هذي تشكي..
وهذا يبكي..يلعـن ابوعشقن قهرهم.
********
جات بعد عامين تنشد كيف حالك
قلت طيب بعدها غمضت عيني
خفت لاتلمح بعيوني شخص هالك
اهلكه طول الغياب ومات فيني
الله لايوفق عدوك وش طرالك؟
ليه صدقتي الكذوب اللي حكالك؟
وليه اصلا مارضيتي تعلميني؟
صدقيني يالجواب الي في بالك
مايعوض مافقدته من
سنيني كل هذا وتسأليني كيف حالك!
مايخصك زين يالله فارقيني.!!
********
